Breaking News

കൊല്ലത്ത് കോവിഡ് – ക്ലസ്റ്റർ സോണുകളിൽ അതീവ ജാഗ്രത; വിശദാംശങ്ങൾ ഇങ്ങനെ..

കൊല്ലം ജില്ലയിലെ കോവിഡ് ക്ലസ്റ്റർ സോണുകളിൽ അതീവ ജാഗ്രത തുടരുന്നു. ജില്ലയിൽ ഇപ്പോൾ 14 ക്ലസ്റ്ററുകളാണ് നിലവിലുള്ളത്. ചവറ, പന്മന, ശാസ്താംകോട്ട, ഇരവിപുരം, നെടുമ്ബന, കൊട്ടാരക്കര, അഞ്ചൽ, ഏരൂർ, ഇടമുളയ്ക്കൽ, തലച്ചിറ, പൊഴിക്കര, ആലപ്പാട്, ഇളമാട്, ചിതറ എന്നിവയാണ് ജില്ലയിലെ ക്ലസ്റ്ററുകൾ. ക്ലസ്റ്റർ സ്ഥലങ്ങളിൽ പ്രത്യേക ശ്രദ്ധ നൽകി സ്രവപരിശോധനയും ബോധവത്കരണവും തുടരുകയാണ്.
പോസിറ്റീവ് ആയവരുടെ പ്രാഥമിക സമ്ബർക്കപ്പട്ടികയിലുള്ളവർ, രോഗലക്ഷണങ്ങളും ചെറിയ രീതിയിൽ രോഗലക്ഷണങ്ങൾ ഉള്ളവർ എന്നിവർക്ക് പ്രത്യേക പരിഗണന നൽകും. ശ്വാസകോശ രോഗലക്ഷണങ്ങൾ ഉള്ളവർ, ഗർഭിണികൾ, ജയിൽ വാസവുമായി ബന്ധപ്പെട്ടവർ എന്നിവരുടെ സ്രവ പരിശോധനയ്ക്ക് മുൻഗണനയുണ്ട്. ബോധവത്കരണ ഭാഗമായി മൈക്ക് പബ്ലിസിറ്റി, ലഘുലേഖ വിതരണം, പോസ്റ്റർ പതിക്കൽ, സാമൂഹിക മാധ്യമങ്ങൾ, എഫ് എം റേഡിയോ എന്നിവ വഴിയുള്ള ബോധവത്കരണം എന്നിവ തുടരുന്നു. റിവേഴ്‌സ് ക്വാറന്റയിൻ പ്രവർത്തനങ്ങളും ശക്തമാക്കിയിട്ടുണ്ട്.
ക്ലസ്റ്റർ സോണുകളിൽ നടത്തിയ പരിശോധനയുടെ വിശദാംശങ്ങൾ പോസിറ്റീവ് കേസുകൾ ബ്രായ്ക്കറ്റിൽ.
ശാസ്താംകോട്ട-1930(56),
അഞ്ചൽ-853(17)
ചവറ പന്മന -550(10)
തലച്ചിറ-545(31)
കൊട്ടാരക്കര-471(39)
അഴീക്കൽ(ആലപ്പാട്)-244(36)
പൊഴിക്കര-200(4)
ഏരൂർ-178(25)
ഇരവിപുരം-163(16)
ഇളമാട്-100(9)
ചിതറ-94(10)
നെടുമ്ബന-93(12)
ഇടമുളയ്ക്കൽ-82(9)
സമ്ബർക്കപട്ടിക തയ്യാറാക്കി പട്ടികയിലുള്ളവരെ നിരീക്ഷണ വിധേയമാക്കുന്നുണ്ട്. സംശയമുള്ളവരുടെയും പരിശോധനകൾ തുടരുന്നതും ജാഗ്രത പുലർത്തുന്നതും ശാസ്താംകോട്ട പോലുള്ള സ്ഥലങ്ങളിൽ കോവിഡ് കേസുകൾ കുറയ്ക്കാനായതായും ജില്ലാ മെഡിക്കൽ ഓഫീസർ അറിയിച്ചു.

About Daily Keralam

Check Also

രാജ്യമെമ്ബാടും കൊവിഡ് ബാധിച്ചിട്ടും ഈശ ആശ്രമത്തില്‍ എത്തിനോക്കാന്‍ പോലും വൈറസിന് ഇതുവരെ കഴിഞ്ഞില്ല, 3000 പേരുടെ ആരോഗ്യ രഹസ്യത്തിനു പിന്നിൽ…

രാജ്യമെമ്ബാടും കൊവിഡ് വ്യാപിച്ചിട്ടും ചില സ്ഥലങ്ങളില്‍ വൈറസിന് പ്രവേശിക്കുവാന്‍ ഇനിയും ആയിട്ടില്ല. തമിഴ്നാട്ടിലെ കോയമ്ബത്തൂരില്‍ മൂവായിരത്തോളം സന്നദ്ധപ്രവര്‍ത്തകരുള്ള ഈശ ആശ്രമം …