കർമ്മ ന്യൂസിൽ പങ്കുണ്ടെന്നു പ്രതിപക്ഷ നേതാവിനോട് അൻവർ പറഞ്ഞു; മറുപടിയുമായി വി ഡി സതീശൻ

ഏതെങ്കിലും കമ്പനിയിൽ ഓഹരിയുണ്ടെങ്കിൽ അത് സിപിഎമ്മിന് കൈമാറാൻ തയ്യാറാണെന്നും സതീശൻ പറഞ്ഞു. മാധ്യമപ്രവർത്തകരോട് സംസാരിക്കുകയായിരുന്നു സതീശൻ.
തിരുവനന്തപുരം: കർമ്മ ന്യൂസിൽ പ്രതിപക്ഷ നേതാവിന് ഓഹരിയുണ്ടെന്ന പിവി അൻവർ എംഎൽഎയുടെ ആരോപണത്തിന് മറുപടിയുമായി പ്രതിപക്ഷ നേതാവ് വി ഡി സതീശൻ. ഏതെങ്കിലും കമ്പനിയിൽ ഓഹരിയുണ്ടെങ്കിൽ അത് സിപിഎമ്മിന് കൈമാറാൻ തയ്യാറാണെന്നും സതീശൻ പറഞ്ഞു. മാധ്യമപ്രവർത്തകരോട് സംസാരിക്കുകയായിരുന്നു സതീശൻ. മറുനാടിനെ സംരക്ഷിക്കുകയല്ല പ്രതിപക്ഷത്തിന്റെ ജോലി. മുഖ്യമന്ത്രിയുടെ ചെസ്റ്റ് നമ്പറിൽ പെട്ടയാളാണ് അദ്ദേഹം. അൻവർ തന്റെ ചെസ്റ്റ് നമ്പർ വിട്ടുകൊടുത്തുവെന്നും സതീശൻ പറഞ്ഞു.
മാധ്യമങ്ങൾക്കെതിരായ പിവി അൻവർ എംഎൽഎയുടെ ഭീഷണിക്കെതിരെ വിഡി സതീശൻ ഇന്നലെ രംഗത്തെത്തിയിരുന്നു. അൻവർ പറയുന്നതനുസരിച്ചാണ് പോലീസ് പോകുന്നത്. ആരാണ് അൻവറിനെ വെല്ലുവിളിക്കാൻ ധൈര്യം നൽകുന്നത്. മാധ്യമ പ്രവർത്തകരെ അധിക്ഷേപിക്കാൻ എം.എൽ.എ. പിന്നെ സൈബർ ആക്രമണമാണ്, സതീശൻ പറഞ്ഞു.